Haram kino er ein del av det kommunale kulturhuset ”Ingebrigt Davik-huset”. Huset ligg midt i Brattvåg sentrum, og har eige parkeringshus for gjestane.

Kinosalen har inngang frå lobby / opphaldsrom i 1. etasje. Her blir det kiosk med sal av billettar og snacks. Når det gjeld kinoutstyret står ikkje det tilbake for noko på våre kantar. Snarare tør vi påstå at kinoen vår kanskje er den beste mellom Førde og Trondheim! Kinogjengarane våre får eit svært godt totaltilbod med kvalitet i bilete, lyd (THX-standard) og komfort!

Sjølve kinosalen er på 147 m2 , og har 101 nummererte sitteplassar samt 3 plassar for rullestolbrukarar. Til vanleg er det framsyning kvar onsdag og søndag, med to ulike filmar kvar kveld. Fredag er premieredag.

Billettsalet startar ein halv time før kvar framsyning. Til filmar der vi ventar stor pågang er det mogleg å førehandstinge/kjøpe billettar på våre nettsider. Dette vert kunngjort i lokalavisa i forkant av den aktuelle filmen.