Både lyd og bilete er digitalt, og alle tre salane er med Dolby 3D. Med andre ord: tre moderne salar med høg komfort og alt det som publikum krev av moderne lyd og bilete. Alle salane har bratt amfi slik at det er god sikt på alle plassar. Stolane har god komfort og i dei to minste salane har justerbar rygg. Dei to minste salane har òg nokre doble seter, populært kalla "love-seats".

Med digitaliseringa har Voss Kino no også fått mulegheit til å vise framsyningar fra verdas mest anerkjente operahus, både direkte og streaming. Fleire profesjonelle begivenheiter, til dømes teaterframsyningar og sportsarrangement kan no visast via Voss kino.